ليوم قدّام سفارة ليبيا شفت منظر ينعوش القلب رغم الأخبار الشنيعة الّي قاعدة توصلنا كل يوم على فعايل النذل القذافي في الشعب الّيبي
3 أيام لتالي انطلقت حملة لجمع التّبرّعات للشّعب الّيبي دوايات مواد غذائيّة أساسيّة كوفيرتات... بعد الّي قالك الوبش حتّى مالسلعة الّي في الحوانت جبدها
و كل يوم تمشي قافلة لراس جدير و تعدي المواد هاذي مالحدود بالتّعاون مع اللّيبية و الّي يسكنو في المناطق الحدوديّة
بدات لحكاية ارتجاليّة و بالشوية تنظمت، ولاّت فمّا خيمة يلمّو فيها التبرّعات على طول النهار و ليستة بالمواد النّاقصة و الاستعجاليّة و في اللّيل تتعبّى لكماين و تخرج تحت حماية الجيش
منظر النّاس و هي لخر وقت جاية تجري بش تخلط تعطي حاجة، و الناس الّي مادّة يديها لكل و تعاون في التّعبية و شعارات مرفوعة و أناشيد و نقاشات و تبادل اخبار، مازال الخير في الدّنيا
خسارة ماصوّرتش، ولاّ نقلكم باهي بش تمشيو تراو بعينيكم، جيبو في يديكم الّي كتب و تفكروني
:)
fétni barcha, amma mieux vaut tard que jamais...
RépondreSupprimerj'adooore ton blog! j'ai l'impression de t'entendre dire ce que tu écris... avec tes grimaces, ta rage parfois et ton rire d'autres fois.
Ce blog reflète ta personnalité et c ce que j'M le plus... alors je te dis "MERDE"... j'espère que plein de gens te liront et... te critiqueront ;))
:)) ça me fait énormément plaisir que tu me lise
RépondreSupprimerj'attends tes critiques aussi n7ebbek we9fetli feddoura hhhh
je te dis MERCIII 3la hattalla la3ziza lghalya