الشّركة الجهويّة للنّقل ببنزرت و القمار بأرواح النّاس...خبرة عشرات السّنوات

الشّركة الجهويّة للنّقل ببنزرت فرع راس الجبل،  كابوس عاش و كبر معايا مالصّغرة و ظاهر فيه عمرو بش يكون أطول من عمري

مالّي مازلت غشّيرة و أنا نعرفها تقمّر بارواح النّاس و باقي على قدّام 

من طول عمرهم يجيبولنا في اتعس كيران...في فضلة كيران...مرّة بلاش شبّاك و مرّة باب مايتسكّرش...الحاصل 6 كلم تعملهم في ساعة و افهم وحدك

تي عندها اسطول براوط مش كيران

والّي يعرف ثنيّة رفراف صونين يعرف الخطر الّي نحكي عليه: كيّاس في جبل دوب دوب يعدّي زوز كراهب و في الدّورات يولّي يخدم سونس انتاردي، محفّر كي كيّاسات تونس لكلّ، حرفو مش فوسي...هفهوف على حالو

اتخيّل انت كيّاس كي هكّا تمشي فيه كار فوق بعضها بالتلامذة في أي لحضة تنجّم تبرك فالصّعدة ولاّ يفلتلها الفران في الهبوط، اتخيّل الكارثة!

و مش تقول ماصاروش حوادث مالنّوع هذا اما الحمد الله يا ربي ماينجّينا كان لطفو تجينا في پان شطر الثنية تضيّع دوفوار ولاّ في مرواحة على ساقيك في الظلام والشتاء تصبّ عليك دفعة بلاء  و يرجع يجيبهالك الكار هي بيدها من غدوة، معناها استهتار و صحّة رقعة مالفوق!

تتكلّم يقلّك ماعنّاش هاذاكة الموجود، مالّي انا نقرى هذاكة الموّال، محنة تتعدّى بيها الاجيال الكلّ!!

التّاكسي الّي في التّصويرة هي الّي منعت الصّغيرات اليوم : كار السّتّة طاحلها الهوا, فراناتها سابو و باللّطف كالعادة مازالت في وسط البلاد قات وين ترسّي خلاف في ڨعر هفهوف! و باللّطف زادة الّي التّاكسي فارغة! 

الى متى بش نقعدو معملين على لطف ربّي، تي علاش هكّا!! ارواح ناس راهي مش لعبة!!

و الحالة هاذي مش كان في الخطوط القصيرة ولاّ كان في كيران التلامذة، كيران راس الجبل تونس فرد حالة، آخر مرّة روّحت في الكار في رمضان الكار سكتت وحدها يجي 10 مرّات و باللّطف كي العادة وصّلتنا، و عاودت رجعت لتونس فيها هيّ بيدها من غدوة الصباح، الماضي ساعة نسمع في موزاييك الّي كار تونس راس الجبل تحرقت، و باللّطف كي العادة نجّمت العباد الكلّ تهبط لاباس!

ولتوّا لا عوضوها الكار هذيكة.

هذا الكلّ نحكيلكم عالحالات الخطيرة الّي تهدّد أرواح الرّكّاب، والشّوفرة كيف كيف، ما نحكيوش على الرّوتار و النّقص تحبّلي جريدة و مانكمّلش!

علاش هكّا و الى متى؟!! مانحبّش نقعد  نبعبع في الفضاء الافتراضي! آش انّجّم نعمل باش نحيّر هالڨرنة حاشاكم على نطاق اوسع 

!مالنّطاق المحلّي و نخلّط ريحتها لابعد من هكّا دلوّني يرحم والديكم

صوّتّ و متهنّية على صوتي

J'étais aujourd'hui, le 23/10/2011, un observateur national des élections de l'assemblée constituante Tunisienne. J'ai assisté au processus depuis l'ouverture de l'urne électorale et l'audit du matériel reçu jusqu'au dépouillement et annonciation des résultats. Un processus qui a commencé à 6H du matin pour finir vers 2H du matin! c'était ne expérience aussi ravissante qu'épuisante. Je me permet donc de commencer par saluer tous les membres du bureau qui ont accueilli les électeurs avec le sourire du premier au dernier, qui ont fais preuve de patience et d'endurance tout en restant rigoureux et en tout respect aux lois.

899 inscrits dans ce bureau, 89.65% est le taux de participation.

Le premier électeur s'est présenté à 7H du matin pile poil :) le dernier à 19h du soir, durant cette plage horaire il y avait en moyenne une trentaine de personne dans la file d'attente, les membres du bureau n'ont même pas trouvé le temps pour manger et ce tout en restant cool, attentifs et respectueux envers les électeurs. ces derniers qui regroupent les vieilles dames qui ont mis leurs Sefsari pour aller voter, certaines ne savent ni lire ni écrire mais elles sont venue exercer un droit dont on les a privé pour trop longtemps, elles voulaient juste arriver à l'urne! des vieux messieurs avec leurs Farioula & Serwel Arbi, des malvoyants, des jeunes femmes qui ont interrompu leur ménage pour venir en pyjama, d'autres qui ont pris la peine d'aller chez le coiffeur avant de venir voter, des jeunes étudiants.

honnêtement je n'aurais jamais imaginer qu'il y aura autant de monde pour cet évènement à Sounine.

Je vis à Sounine depuis tout le temps, je connais presque toute personne qui était au bureau aujourd'hui, et j'étais fière! 

Je ne dirais pas que c'était impeccable, les membres du bureau se sont retrouvé face à des situations intimidantes surtout par rapport à la longueur de la file d'attente et la lenteur du mouvement dans le bureau de vote et par rapport à loi d’accompagnement des personnes Illettrés (qui ont été nombreuses).

 Mais cela n'était pas de leur faute, ceci était une conséquence directe de la mal répartitions des électeurs entre les bureaux de votes: 899 pour le premier vs 161 pour le deuxième! de surcroît, vient l'ignorance des gens du processus électoral (la faute de qui? je dirais "chwaya mel7enna w chwaya men rtabet lidin"). L'ISIE n'a envoyé qu'une liste des noms des électeurs alors que c'était prévu d'en recevoir deux dont une sera affichée à l'extérieur du bureau pour éviter la mal orientation des électeurs qui devraient vérifier leur appartenance au bureau avant de tenir la queue. Il était aussi prévu de recevoir un exemplaire de la feuille contenant les noms de listes, les numéros et les symboles pour l'afficher à l'extérieur du bureau et donc permettre aux personnes illettrées d'être assistées par leurs proches avant de voter. 

Les personnes qui sont physiquement incapables de voter mais qui n'ont pas une "carte d'handicapé" ont aussi été sujets de controverses, interdites par la loi d'être assistées mais ayant une idée précise pour qui elles veulent voter :/

Par contre, je n'ai eu aucun problème en rédigeant mon rapport :) l'équipe été très coopérative et très rigoureuse, ne n'ai noter aucun abus, bien au contraire j'ai noté comme remarque finale que le bureau de Sounine ferait un bureau pilote, ceux qui me connaissent savent que c'est pas donné! 

La seule chose qui m'a dérangé c'est l'observateur qui était à côté de moi et qui passait le temps à se plaindre que c'est fatigant! (nhar lkol yonfo5 w yotbo5 w yetmalmel) :p et le représentant de la liste d'Ennahda qui se permettait de parler au chef du bureau.

Arrivons aux résultats, 34 votes NULL, 20 feuilles blanches,Ennahda majoritaire avec 30% des voix, 10% pour la liste de Hechmi el Hamdi (oui ba3eth el9anet) en deuxième position.

Oui ouiii ça ne me plait pas non plus mais je sais que c'est le choix des électeurs donc j'accepte et je respecte.

J'ai passé 7h enfermée dans un bureau à chercher une infraction, j'ai échoué! 

la chose qui m'a bien fait marrer c'est le succès qu'aura la liste du Mouvement Echa3b à Bizerte grâce à sa position dans la liste (face à Ennahda) ;))

Pour conclure, j'ai voté et je sais que ma voix a été entendue.

J'espère que ça était le cas de tous les bureaux électoraux en Tunisie.

Encore une fois j'étais ravie d'être parmi une telle équipe. 

hayou tesb7ou 3la 5ir walla Sbe7 el5ir! ma3ach tefra9 ;))

Excusez les fautes d’orthographe s'il y en aura, e3throu w5yetkom te3ba :)

بلاد فارس...الفلم القنبلة

موضوع الاسلاميين في تونس و مدى خطورتهم على استقرار البلاد و مكتسباتها الحداثية (مانعرفش وين يراو فيها) هو في رأيي المتواضع موضوع مفتعل و أنا شخصيّا قريب يعقدلي مصارني لكن للتّاريخ لازم نوضّح موقفي منّو (مانحبّش نلبد بعد نجي مع الواقف ؛) ).

فيلم بلاد فارس الّي حلّ فاتاريّة في البلاد تفرّجت فيه قبل (نسيت في انهي قناة) جاني عادي جدّا ا ا تفرّجت فيه و قلبت على الجنب الآخر تخمدت...

عاودت تفرّجت فيه كيف عدّاتو نسمة، ما خلطتش على اللّقطات الّي قالو انها تجسّد الذّات الالاهية (على كلّ حال مالاحظتهاش الحكاية كي تفرّجت المرّة الاولى) لكن المرّة هاذي جاني موش عادي حتّى طرف : اش معناها انت كوسيلة اعلاميّة عندها قاعدة شعبيّة لاباس بيها (حسب سبر الآراء الّي النهار و طولو وانت اتفاخر بيه و حتّى و لو اعتقدت أنا العكس) اش معناها تجي قبل الانتخابات بجمعتين وتعدّي فيلم يحكي على التّجربة الايرانيّة مع "الاسلاميّين" و يجسّد القساوات الّي ولّى يعاني فيها الشّعب الايراني مالّي شدّو الحكم في الوقت الّي فمّا حزب "اسلامي" (الكلمة هذي لازمها 50 ظفر مش ظفرين) مترشّح للانتخابات؟ شنو معناها فيلم توعوي؟ هذا مش توجيه للآراء؟ أنا جاتنيي الحكاية تشبّه للكارثة هاذي

أسلوب أقلّ ما يقال فيه انّو رخيص و حقير جدّا ا ا ، نفس الاسلوب الّي خلط بيه بن علي للسّلطة، نفس الاسلوب الّي برّر بيه قمع المئات كان مش الآلاف من الشّباب، نفس الاسلوب الّي خلّى بلدان فلسفة الأنوار و حقوق الانسان يسكّرو فامهم و يعملو حتّى عين مارات الانتهاكات الّي صارت... ياخي مانتربّاوش؟ ما نشعفوش؟ جيب الجديد يا أخي شوفلي فزّاعة اخرى على الاقل!!

لا للخوف!! يزّي مالخوف!! علاش ناخو قرار مبني على الخوف؟! خلّيوني ناخو قرار مبني على قناعة، على وعي، بش يتسمّى خيار ما يتسمّاش هروب.

أنا مرا نلبس المحزوق و نسيّب شعري و نقعد في القهاوي و نخرج في اللّيل والاسلاميّين عمرهم ما كانو مشكلتي (حتّى و لو كان نعرف دمّي مهدور عند بعضهم)

كيف نروّح مخّر مالخدمة مانخافش يعرضني "بولحية" يدوّر وجهو كي يراني ولاّ حتّى يستعوذ من ابليس اما نخاف يعرّضلي قطعي ولد حرام يفكلي حاجتي ولاّ يتعدّى عليّا، نخاف يطلع بحذايا واحد بالعو في المترو يسمّعني ما نكره

عمري مامشيت في الشارع و قلّقني "اسلامي" بكلمة!

أنا مرا مغيارة برشا و مانحبّش نهار آخر نقسم راجلي مع مرا اخرى، أما كان ما بش يمنعو كان القانون...السّماح فيه!

ورثي (ربّي يمدّ في انفاس الوالد) نمدّو انا لكلّ لخويا و ياعنبو الرّزق و الكسب بعد خسارة الوالدين!!

مالاخر لو كان يشدّو الاسلاميّين السّلطة و صار الّي خايفين منّو الكلّ و ولاّت عيشتنا كيما فيلم پروپوليس و سكتنا و خضعنا و سلّمنا في "مكاسبنا الحداثيّة" و واصلنا نحو قرن من الجُبن نستاهلو و الله لا يكوّن فينا!

ملاحضة : الفيديو مش هو بيدو

Israel is not a country...Palestine is

Palestine...Palestine...

Called also occupied territories

Since my young age I have heard every day about Palestine in news…

Every day a new number of dead and injured people…statistics…

Could any one be used to death statistics? Yes I guess…

I learned about English occupation, Belford’s promess

And I learned the difference between Jewish, Israeli and Zionist…

Still, the Palestinian issue remained ambiguous to me…

How can the World leave people to suffer for so long?? To be massacred?? Why??

I avoided watching news until the Iraqi invasion …

I remember harrying back home after school to catch up…

I remember Sahaf and the high hopes…

And I remember the Saddam’s sculpture getting hit by “shebsheb” and his kids assassinated…

The day I watched Saddam executed I re-boycotted serious TV…

Until…December 2008…Gaza…

I still remember all these photos

Kids massacred every single day in Gaza…I used to watch these photos animated with the mothers’ shouting and the “Allahu akbar”s…wondering what kind of human being could do that? And what for?

Every day I wondered how long is this gonna last?!

I remember the feeling of being so week …so powerless

That was simply disgusting…depressing

I also remember that I was living a nice love story back then…

Life never stops! It goes on and goes on…

I couldn’t even imagine some one throwing me out of my home…calling me refugee in my own country…

I do know why I hate Israel and why I defend Palestine…

Not because Israelis are Jewish and Palestinians are Muslims…

Because Palestinians are human beings whom country was stolen, whom trees was massacred as well as they kids…all this and a way more by Israelis…

Palestine is indeed a country, Palestine has ancient history…

Israel isn’t a country; it is an occupation force, enforced by war criminals, it has nothing but a fiction of a promise…

The whole world is being a coward facing the Palestinian issue…

An issue we inherited from our parents…I fear it will be passed to our kids…

I will teach mine about Sabra & Sahtila memorial, I will tell them about 2008 massacre, I will listen to Trio Joubran with them, I will read for them Mahmood Darwish’s poetry…

I hope they won’t have to watch any massacre them selves…

اِركب توّة

تحبّ تقرب للشّعب؟ تحتكّ بيه، ترى همومو (الجامدة) و تسمع الّي شاغلو؟

...عليك بالمترو الخفيف

في المترو تلقى ارهاط الشّعب الكلّ...عذرا، فئات الشّعب الكلّ! تلقى الّي يسرق والّي 

يساسي والّي بين الاثنين يكلت شاقي ومش لاقي...

...تلقى الّي لابس السّينيي والّي حافي

في المترو تسمع اخبار الكورة و السّياسة واللّموضة و تسمع مغامرات الغبّار و هو مروّح فرحان مالحبس شاري لمرتو روبة ...و تسمع تڨريعة الّي بالعو طوبة 

...في المترو تعرف ڨدّاشو الشّعب التّونسي متلاحم و متكاتف 

فقط في المترو تشوف حرص التّونسي على اختو التّونسيّة و حنانو عليها، مساندتو ليها و تمسّكو بيها في كلّ المنعرجات ...الخطيرة و غير الخطيرة 

...في المترو تختبر مدى صبر التّونسي على مختلف الصّعوبات و قدرتو على رفع التّحدّيات 

ماللّخر المترو هو وين تنجّم تحسّ الشّعب بحواسّك لكل : تراه، تسمعو، تمسّو و تشمّو و انت و زهرك عاد اطّيح ببارفان يشرّه ولاّ ضبّوط شايط يدرّع...

 ...تبقّى الذّوق هذاكة سلعة مفقودة في البلاد من بكري

لذا نصيحة لكل واحد يحبّ يدخل لمعترك الحياة السّياسيّة من بابها الكبير و يلوّج على الشّعبيّة ... عليك بالمترو عشيري و عشير كلّ زوالية... اِركب توّة...

Marketing politique

خرجت اليوم مالخدمة و بديت نهڨّ في محمد الخامس بش نخلط على الدّخلة متاع تميم البرغوثي في قصر المؤتمرات، الامسية نورمالمون تبدا الخمسة مع ربيّع ساعة روتار نجي ڨدڨد. ايا كبست روحي و خلطت في الوقت، أوّل ما نلقى في الباب لافتة : حركة الشّعب الوحدويّة التّقدّميّة... والله ما نعرف!! ماكمّلتش قريت!! طحت لوف في الحركة طوووول، لا مش لتوجّهاتها القوميّة العربيّة اما لذكاءها التّرويجي، انا وحدة مالنّاس جاية مافيباليش الّي الامسية منضمها حزب و هالحركة مانيش سامعة بيها قبل خلاص، ما نعرف شكونو ولاّ شكوني مرحوم(ة) الوالدين الّي بعثلي انفيتاسيون على فايس بوك. دخلت نلقى الصالة معبّية، صالة ترفع 2000 فرطاس، انا سلّكتها قيت وين ناقف، هذا والعشويّة مازالت مابداتش!! بصحّتهم.

بعد نصيّف ساعة مستنية، طلّ علينا ماهر بالحاج بمورسو عود ياسر قمقوم ماتصنتو حد!!! بعد دخل تميم في غمرة من الهتافات : الشّعب يريد تحرير فلسطين، شعب عربي واحد... و بالطبيعة تصفيـــــق. تقلّي تميم يستاهل، نقلّك اصبر هاو جايك لحديث. تو هي قصائد تميم مالّي تبدا لين توفا درر، كان في كل كلمة بش تصفّق اتخذنا، هو يخلط لاقوى عفسة و...تصفيـــــق، تي خلّي الكازي يكمّل و صفّق على راحتك، الحاصل زايد شعب صفّاق و لازمو صرفاڨ...كذبو عليه و قالولو ذوّاق، صدّق!! توّا يا رسول الله ماهر بالحاج ما يتسمعش!!!

 ماعليناش هاني استمتعت بقصائد تميم و عملت كيف وانا نسمع في آراء تميم استاذ العلوم السّياسيّة، بالعمل كي خرجت ما خلّيت ورايا كان مالّي الفرح ههههههههه 

و بخلاف اللاّفتات ما صار حتّى حديث على الحزب المنظِّم و لا شكر و لا ريق هاي الاحزاب مش قالك علب ليليّة ولاّ كسكروتات 

بالشّاميّة!!

خبرة في تعيين الابرة

زعمة قانون الاستعانة بالاجنبي مازال معمول بيه؟؟

يا حسرة على ايامك يا زعبوع و على نظرتك الاستشرافية

انا الّي نعرفو الّي بريطانيا و امريكا وحلو في العراق رغم امكانياتهم العسكريّة الكبيرة و خبراؤهم لكل ملمومين مانجموش يفيديهم في حكايات حرب العصابات هاذي

توّا ولاّو يفهمولها و باعثين طزينة خبراء لليبيا و يحبو يكملو يتحشاو في تونس قال شنوّة يعاونو في الثّوّار!

انا الّي معروفة نيّة و في رواية اخرى هايشة ظهرتلي حكاية حولة و الخبراء الّي باعثينهم هوما بالاحرى باحثين مهمّتهم دراسة حرب العصابات من داخل و تحليل عقليّة الثّوّار العسكريّة لعلّ يستحقولها في مناسبات قادمة

و كاني غلطة نوروني 

تدوينة مدنيّة : مانيش موافقة

اي نعم و اخيرا تحرّرنا...تحرّرنا مالخوف الي عشش فينا سنين و سنين، بالنّسبة ليّا هذاكة المكسب الّي خرجنا بيه مالثّورة و بخلاف هذا مازلنا ما حقّقنا شيء

علاش شادّين صحيح بش يحرمونا منّو هالمكسب اليتيم

قالك الخطر الظلامي موجود فعلا و لا نقوم بزرع فوبيا من فراغ..مع ذكر امثلة عشناها حول محاولات اعتداآت على النساء او المواطنين وفرض سلوك معين و لباس معين و مرحبا بكل الافكار التي تصب في هذا الواد

فكّيتوشي تو! عنّا آلاف اللاّجئين في الحدود، اهلنا في الجنوب الله أعلم بحالهم، كالمهبول في كل وقت ينجّم يدور علينا، موارد رزق قاعدة تتسكّر كل يوم، قادمين على انتخابات واحنا لاهين نتهمو في بعضنا يا ضلامي يا متخلّف يا متفسّخ يا منحلّ

منين بش ترجع السّياحة واحنا النهار لكل نروجو الّي تونس لكلها ضلاميين بمعنى آخر ارهابيين؟؟؟ فهموني

اهوكا عاد زادو و نقصو طلعو هبطو و خرجولنا طلعة الجبهة الوطنيّة و نقعدو عاد في كاللوبانة نعلكو 

النّاس هاذي تحب على ديمقراطية الفم الحارك و التيييت البارك

ديمقراطية القذافي و عبد اللّه طالح كراسي و قعيدة، حرابش و ربطة قات و فرّغ قلبك

انا تونسيّة لا تهدّدني نهضة و لا تحميني جبهة 

ركزولنا عالمفيد يبارك فيكم : قانون يحمينا 

Afr7ou...Orgsou...ghannou... be7yet ras Bouk elbeji

 

source

Les RCDistes aussitôt dans la rue fêtant la décision...

Encore une bougie soufflée...

C'est exactement ça un anniversaire, encore un pas qui de la fin me rapprochait...

Pour les proches et les copains c'est peut être une occasion pour exprimer une certaine joie de ta présence dans leur vie, ces derniers sont aussi de moins en moins d'une année en année...

26 bougies soufflées...je prends un moment pour regarder dans le rétroviseur de ma vie et je me dis putain! c'est tout ce que j'ai pu faire en 26 longues années!!

ce néant que je vois m'effraie...

et quand je me rappelle que j'ai faillit ne pas y arriver, que ça aurait pu être tout...quelle horreur ça aurait été!

Je me suis réveillée dans une Tunisie dont j'ai tant rêvé, parfois ça tourne mal, mais tant pis ça reste mieux que la réalité

j'ai été "renée", pourquoi alors ne pas imaginer que c'est ma première bougie soufflée et sur ce avancer? 

changer le monde n'est pas le défi que je me fixerais...ce serait plutôt me changer

Un défi énormément plus difficile que ça apparaît...

آخر نكتة و أبيخ نكتة

رابط التقرير

الفاضل الحميدي، ايييييه يا حسرة، يا حسرة على استشاراتك القانونيّة القيّمة في تعاسة 7، همزة وصل مع يذكرهم بالخير يسر الصّحراوي و عفيف الفريڨي و برشة اخرين مالّي ماكان عندهم همّ كان توعية المواطن و حلاّن عينيه، عندي كيما اليوم نهارت الّي جابوك يستشيرو فيك على التّعديل الدّستوري الاخر باش التّونسي يعرف آش يختار نهارت الاستفتاء، ههههه يختار، برّا برك، نتفكّر حماسك و اندفاعك في الدّفاع على التّعديل المقترح، و الحجج القانونيّة و حتّى الدّينيّة الّي جبتها 

برّا يا زمان و ايجا يا زمان، الفاضل الحميدي هو بيدو يدافع بنفس الحماس و نفس الاندفاع المعتاد على عدم شرعيّة بن علي كرئيس حزب، اباي خلاص!!!

و يعتبر الدساترة اوّل ضحايا بن علي، اممممم و اوّلهم انت الّي ما كنّا نراو كان منظرك في التّلفزة تقول ما فمّا كان انت محامي في تونس 

روح دور بغافل و يزّيك ما استهبلتهم التوانسة 

يزّي احشمو طرف الزّح واستنّاو كبار الحومة و صغارها يموتو بعد اعملو فيها شرفا كان نجّمتو

مفتون بخزرة عينيها

اليوم خرج قرار منع النقاب في فرانسا، النّاس الّي ترا في النّقاب خطر بما انو يخبي هويّة الشّخص بحيث لا تعرف تحتو لا مرا لا راجل...النّاس هاذي بالطبيعة استبشرت بالقرار و النّاس الّي ترا في لبس النّقاب حرّيّة شخصيّة ندّدو بالقرار فمّا ناس اخرين ندّدوا و استنكرو بهالقرار المجحف في حق الاسلام و المسلمين (من وجهة نظرهم بالطبيعة) من منطلق الّي الاسلام هو الّي فرض النّقاب على النساء و هو اللّباس الشرعي الوحيد للمرأة و ما دونه تبرّج و كفر كان لزم 

بالنّسبة ليّا الّي يعرف روحو قلبو ضعيف و مايحملش يرا وجه مرا ما غير ما تتحيّر غريزتو الحيوانية و يثور فيه احساس الرّغبة و يطيّر وضوه و ممكن زاده طهارتو الكبرى ما عليه كان يدبّر مرايات لوح...والّي قبلت تلغي عقلها و قبلت الخضوع لهالقوانين الذكوريّة تكمّل مسيرتها الانبطاحيّة و تخضع لقوانين الدّولة الّي مستقبلتها ما كانش تشوف دولة كي السّعوديّة مسلمة و ما شاء الله عليها

و الطّامّة العظمى الّي الخبر هذا غطّى على خبر المصادقة على القانون الانتخابي الّي باش يقرّرلنا مصيرنا

 و مازالت حلقات لبهامة متواصلة في وطني العزيز

why why ya w5ayeni

 

ملّي قربت ذكرى وفاة الحبيب بورڨيبة كثرو لي پاج على فايس بوك الّي تمجّد في الزّعيم و الّي ترحّم عليه و الّي تحبّ ترجّعلو صنبتو لبلاصتها في قلب العاصمة

انا بصراحة خايفة لايجي نهار و هالشّعب ذو الكبدة لمشومة و القلب المعمي يحنّ لبن علي و يرجّعلو تصاورو في نقب العاصمة لكل و كآن لزم ياعملّو زادة صنبة من باب العدل و المساواة...صنبة لكلّ ديكتاتور

هذا ما يعنيش الّي انا ننكر شعمل بورڨيبة من مليح، اما المليح الّي عملو ما عملوش وحدو 

قالك اب الامّة، اهوكة منين بدا الرّيق البارد متاع بونا لكل الّي كرّهنا في وقف مالاوقات في مذهب بو تونس

بورڨيبة كان ديكتاتور مثقّف و  نضالي و دايرين بيه ناس مفكرين و فكرهم حرّ

بن علي كان  ديكتاتور جاهل و جيعان دوّر بيه زوايل خدمتّو هو ماخدمتش لبلاد /ممكن كلامي فيه ظلم للبعض/ الحاصل هاذاكة الفرق بيناتهم

المشكلة الّي التوانسة مغرومين بالصنب و الاوثان بزايد اش خلّاني فرحت كي البوعزيزي مات...اب الثّورة، منقذ الامّة، زعيم التوانسة

الانتقال الدّيمقراطي

السّلام عليكم

لا لا هاذي دخلة كلاسيك، نحبّو دخلة قويّة تتماشى مع جو الثّورة بش يتفاعلو معاك النّاس

باهي باهي...بسم اللّه الرّحمان الرّحيم

هاهي ها محمّد صالح!  كمّل قول أيّها المواطنون أيّتها المواطنات بش تكمل

اتّق اللّه يا ولدي مالا ماعاش نسمّيو بسم الله في جرة المنزوس

اخطانا ما هالمداخل، توّا واكلة بعضها بين الاسلاميّين و العلمانيّين وحتّى بسم الله تنجّم تتأوّل، قتلك شوفلنا حاجة مواتية الثّورة

شقولك نبدا بالرّحمة على أرواح الشّهداء؟

برافو! هاك فهمتني، واعمل فيها متأثّر و مركي پوز لين يكملو يصفقو

و كي مايصفقوش؟ ناس كرهت التّصفيق

ههههه يضهرلك...و لازمك تركّز على دورنا الفاعل في الثّورة و كيفاش كنّا من المحرضين عليها

...اِيه و الحزب و توجّهاتو و راينا مال

حبّس حبّس! قيلا جدّت عليك حكاية الشفافية و المصداقية؟ يا ولدي البلاد داخلة في حيييط هات نخلطو لكلبليصة بعد تو نشوفو توجّه ولاّ زوز نتبنّاووهم، احنا و جو اللّحضة

...

خمسين حزب يغنّيو في فرد غناية و يقولو ماعنّاش وفاق وطني هه 5

حتّى الحزب الّي كيما نقولو عاقدة فيه النّوّارة طلع يبيع في الرّيح للمراكب

عاملين اجتماع عام و قاوق بش يحكيلي على الثّورة شكون صنعها و لوين باش نصدروها، باقي عايشين دور الرّيادة، فكروني في الشّعار القزوردي "السّنة دوليّة و المبادرة تونسيّة"...توّة وقت قوميّة عربيّة هو؟؟ تي هات وضّحلي كوجينتي شصاير فيها بعد يعمل اللّه

ما عطاو حتّى موقف واضح، كلها شعارات عريييييييضة

والّي حاضرين عاد قصّة اخرى، تقول مستانسين يحضرو لخطابات الغير مأسوف عليه، كل شوية تصفيق، ناقصتهم كشاكل و حماة الحمى بين الفينة و الاخرى

و لاخر طالع يعرّف بنفسو انا فلان الفلاني من شباب القصبة...شمعناها؟؟ انتماء ولّى؟؟

الحاصل، ضاهرلي النّاس لكل كان مشروعها السّياسي خبز و ماء و بن علي لا، طيحو بن علي مازالت العيشة على الخبز و الماء هانا خالطينلها ماناش مطولين

Une pensée à propos des partis qui se multiplient en Tunisie

S'il n'y avait en Angleterre qu'une religion, le despotisme serait à craindre; s'il y en avait deux, elles se couperaient la gorge; mais il y en a trente et elles vivent en paix et heureuses.

La nation anglaise qui est la seule de la terre qui soit parvenue à régler le pouvoir des rois en leur résistant, et qui d'efforts en efforts ait enfin établi ce gouvernement sage où le prince,  tout puissant pour faire du bien, a les mains liés pour faire le mal, où les seigneurs sont grands sans insolence et sans vassaux, et où le peuple partage le gouvernement sans confusion.

Il en a coûté sans doute pour établir la liberté en Angleterre; c'est dans des mers de sang qu'on a noyé l'idole du pouvoir despotique; mais les Anglais ne croient point avoir acheté trop cher de bonnes lois. 

Lu dans les Lettes philosophiques de Voltaire, écrites en 1728 et qui restent à méditer de nos jours. 

RCD et les sbires de Ben ALi

نعرّفكم : حشيشة السّعد. من أصعب الحشائش الطّفيليّة مقاومة

 ;) فيها نوعين اساسيين السّعد الاصفر و السّعد الارجواني 

مسكين الفلاّح الّي تضربلو أرضو و برّا

 و هالحشيشة ترمي العروق على عمق ينجم يوصل ل120صانتي و في آخر عروقها تعمل كعابر (زرّيعة) كل كعبورة تنجّم تنتج نباتات سعد تكفي بش تغطي 10 ميترو مربّع، و كل نبتة تنجّم تنتج حتّى ل1000 كعبورة.

مختصر لحديث، لحشيشة هاذي مصيبة زرڨة. باش تتنحّى لازمها عام على الأقل من المقاومة المتواصلة، و مالمستحسن انّو تستعمل اساليب المقاومة لكل فرد وقت و شوف و شوف. 

solarziationفمّا طرق كيمياويّة، و فمّا زادة شكون يغطّي التراب بالمشمّع بش يغتها 

 ;) و فمّا شكون يكافحها بالسّبناخ ، اي نعم يزرع معاها السّبناخ و في ضرف عام بقدرة ربّي ماعاش تلقاها

Le massacre continue!

منظر شنيع مرّرلي المرواحة اليوم، منظر مجزرة على ضفاف مجردة. منظر الفراغ! 

ماضاهرلي كان فمّا شكون استعمل الطريق الوطنية تونس بنزرت و ما عشقش منظر الكالاتوس على طول ضفاف مجردة (و على طول الطريق الوطنية بكري يا حسرة)

اليوم خزرت ماقيتوش!! بكلّو قصّوه :'(

لحكاية هاذي تنجّم تقول استانسنا بيها في "العهد البائد"، كالاتوس بنزرت عانى من حملة ابادة اش قالك آش قال عليك يشذبو فيه، صفحة ڨنڨلة  تعملت عمناول كردّ على الاجحاف و التمادي في هالجريمة هاذي و تنجمو تلقاو فيها تصاور تغني عن كل تعليق. بكلنا نعرفو الشّجر قبل علاش كان يتقصّ و توّة ؟؟؟؟ شكون المسؤول؟؟؟

الكالاتوس مش كان منظر، هو رواري لبلاد، شكون تو مازال بش ينجم يعمل پيكنيك على مجردة و يفرهد صغيراتو ما غير ما يتنكب في شطر شهرية؟ لا عاد شجرة تضلل و لا عادت نسمة نظيفة، والفاميليات الّي كانت تحطّب طرف و تعمل كالمردومة بش تبيع كطرف الفحم قطعولهم رزقهم. ما ياكل كان الغول في تونس؟ 

شيء يقهر!

أحبّك يا شعب

ليوم قدّام سفارة ليبيا شفت منظر ينعوش القلب رغم الأخبار الشنيعة الّي قاعدة توصلنا كل يوم على فعايل النذل القذافي في الشعب الّيبي 

3 أيام لتالي انطلقت حملة لجمع التّبرّعات للشّعب الّيبي دوايات مواد غذائيّة أساسيّة كوفيرتات... بعد الّي قالك الوبش حتّى مالسلعة الّي في الحوانت جبدها

و  كل يوم تمشي قافلة لراس جدير و تعدي المواد هاذي مالحدود بالتّعاون مع اللّيبية و الّي يسكنو في المناطق الحدوديّة 

بدات لحكاية ارتجاليّة و بالشوية تنظمت، ولاّت فمّا خيمة يلمّو فيها التبرّعات على طول النهار و ليستة بالمواد النّاقصة و الاستعجاليّة و في اللّيل تتعبّى لكماين و تخرج تحت حماية الجيش 

منظر النّاس و هي لخر وقت جاية تجري بش تخلط تعطي حاجة، و الناس الّي مادّة يديها لكل و تعاون في التّعبية و شعارات مرفوعة و أناشيد و نقاشات و تبادل اخبار، مازال الخير في الدّنيا

خسارة ماصوّرتش، ولاّ نقلكم باهي بش تمشيو تراو بعينيكم، جيبو في يديكم الّي كتب و تفكروني

:)

وشّي ذا؟؟؟؟

مغارة علي بابا حكاولنا عليها وحنا صغار كبرنا و شفناها في الأخبار

هاني وليت نشعر فرد مرّة... حتّى هو شيء يحبّس المخ

هذا الّي حاطّينو على ظهر اليد و برّا 

ياخي عباد ولاّ شياطن هاذم؟؟ شكانو يحسّو كي يراو شكون ماعندو ما ياكل و هوما راقدين على مال قارون؟؟ شيء قوي على مخّي

فتكم بالحديث نحكي على نشرة الاخبار متاع اليوم، لا والله نشرة صابون، ورّاو الكنز الي قاوه في قصر سيدي بوسعيد

ولاّ كالبهيم الّي باعثهولنا ساركوزي، ناقصين بهايم احنا؟؟

و الطّامّة العظمى حكاية القسّ الّي قتلوه في منوبة، نهار مضاهرات قدام السينيڨوڨ و نهار بباص مذبوح؟ تي من وقتاش؟ علاش؟ عنّا جالية عايشة في بلدان مسيحيّة تجي شطر الشعب محسوب، مالا يدورو هوما يقتلوهملنا!! كان بهامة قدّاش و كان بث للفتنة قدّاش؟ و علاش؟؟؟ هاذي سقوطيّة حتّى ابليس ما يخطلهاش 

خلّي عاد كالمسلسل العربي الّي يعاودو فيه، أول مسلسل تونسي يتشرا!!

يتنافسو شكون شد أكثر من خوه؟؟ طاح بن علي و خلط عليه مبارك، لازم نعاودو نفس المعبوكة؟ قتلى و جرحى و طحين و تغطية عين الشمس بالغربال؟ تي افهم قدرك و اتقرقش خلّى التاريخ يتفكرلك حاجة باهية عملتها

بالله كان فمّا شكون فاهم حاجة يفهمني معاه

:'( 

مولكدم مبروك

Les employeurs de mon entreprise ont pris l'initiative de consacrer une journée de travail pour les familles en besoin des régions internes de la Tunisie, ce qui me fait relativiser par rapport au précédent billet :)
Aya nba9ikom 3la 5ir, je pars au boulot motivée
nchallah mouledkom mabrouk

عيد الحب

lyoum 9allek 3amlin lamma fil Avenue, nas t9oul pour célébrer 1 mois sans ZABA, pour célébrer  l'anniversaire d'une Tunisie libre, w jme3a t9oul "litas7i7 masar ethawra"

mchit...zactement char ma7attitech se9i fil Avenue, nal9a ness malmouma chay yghanni w chay chedd chma3 w chay yal3ab mouzzika, en tt k dhohrouli chwaya 3bad mais il faut dire que ena mchit ma5er

bref, lfet entibahi eli mafamma 7atta boulis, ahawka ema foura ema toura w ki nest7a99ek ya wejhi y5abchouk le9tates! mafhemtech ena halli msemin rwe7hom jihez elamn chbi manel9awhom ken bech yer3bou ennes weyo7dthou lfawdha ema 7afdh elamn Rabbi ynoub :(

el7acel, ena ma7assit 7atta raghba fil e7tifal, za3ma netla3 mélancolique?!

je pense pas.

ettaswira hethi t7attet 3la les photos de profils lkol ma7soub ba3d le 14 janvier 2011, wa9t sebou 3lina kleb ZABA w wallew rjel l7ouma dharbin l3assa lil wenhar t9oul wa7ed 3ayech fi bab el7ara

nharin be7seb wennes wallet tetchakka men 9ellet lmouna, 9olt normal ness 3andha sghar ma3thourin, 7atta lin jebou wa7ed yetchakka men soum l7out, din weldih men wa9tech ettounsi ynajjem yechri l 7out!

9olt aya barra cas isolé, yehlkou tayarli essakra :p

ayamet o5ra webdet likhtilafet 3al 7kouma wel i7tijajet 3la l RCD, 5arjou elli ytalbou bil amn wel aman 9rib yetra7mou 3la ayamet zaba, za7 sabrou 50 sna taw ma3ach sabrin! 9olt normal ma5ellehom yasbrou 50 sna ken l5ouf, 7atta ena 3la chkoun nloum!!

radhetchi lebled, arj3ou le5demkom yehdikom, 9atli wa7da ena ne5dem fil étatique lechkoun machia ne5dem?

justement te5dem 3and l'Etat mouch 3and le chef de l'Etat, w l'Etat mazel mawjoud mata7ech w mest7a9lik

9atli ena sallit esti5ara w jetni manemchich, hhhhhh bech na3ref 5ir men Rabbi ena! o93od okhti erte7!

7medt Rabbi 3la 9ellet din ettwensa!

raj3et ennes te5dem webdet 3ad 3adet dégage, eli mouch 3ajbou 3arfou yroddou 5amej weylemm 3lih jme3a y9oulou dégage, ennes lkol walla yetsalla 3la tarfha wennes lkol 5ommej, chbi maw9eflouch 9bal w 9allou 3ib 3lik?!! barra normal lebled bel7a9 cheddinha 5ommej nchallah tendhaf wennes to nharin w tebred w bechwaya bechwaya tet3allem enidham welfar9 bin ennidham wel soumission.

hawka 3ad 5itab melghannouchi lebhim talla3hom men bouzid bankoulou 9oddem louzara y7ebbou ybadlou le7kouma, 7a9hom, mayemna3ch eli fihom zeda chkoun ja 5ater 9a rekba blech ltounes wechkoun machi fi balou  bech yfar9ou 3lihom leflous ja ye5ou fi bayou, ma3linech, kifkif des cas isolés, mani bech nzid 9oul chay 3la jma3et elkasba 5ater maritech b3ini, elmouhem matalebhom 3al a9al kenet syessya w machrou3a,

ema ki yetla3 we7ed ki Jrad, ybattel etlemtha 9rayet'hom eli déjà mdhay3in jem3tin, hbelt!

tbadlet le7kouma, tachkila t9oul techkilet l'EST :p 9olt hmd jet besle7

jat moudhet les grèves, aktharchi melboulicya garfou, 5allew lebled fi ydin l9ot3ya w 9alek y7ebbou na9aba w zyeda fichahri, mta3 elbaladya 5allew lebled lezbel y7ebbou yetrasmou w chharihom tzid, jma3et el metro garfou 5allew lebled we9fa barra lawej 3lech!! jma3et Tunisair garfou 7atta lin mchalhom wzir edda5ilya sa5chyan yneched fihom bech ycheddou 5demhom w yfahamhom eli eli ya3mlou fih 3ib, 9am le5or 9al tajawaz sala7yetou!!! ken ena rani habbatelhom l bop!

welli 9a3dou lahin y9arnou bin ethawra fi tounes w thawra fi masr enahi achab, walla tay7in fi b3adhom islamyin w 3elmanyin!!

5sara echa3b matfehem ken 3la kelmet Ben Ali dégage :(( matfehmouch 3la "namoutou namoutou w ya7ya elwatan"

bizarrement j'y crois encore ... ce peuple qui s'est révolté et ce pays que j'aime

Hors série

Effet domino

Vendredi 17122010, Mohamed Bouazizi lance l'étincelle de la révolution Tunisienne

Vendredi 14012011, le dictateur Ben Ali prend fuite

Vendredi 11022011, le dictateur Moubarak prend fuite

Alors à qui le tour?

Le monde Arabe se réveille, le monde Arabe réclame sa liberté

le peuple Arabe souffle l'orage du changement qui bouleverse les gouvernements

Il y a quelques semaines je n'y aurais même pas rêvé

J'ai toujours du mal à y croire, on a du me gifler!

ça n'était pourtant  pas donné, mais la liberté n'est jamais donnée, la liberté est très précieuse

Il y a une phrase qui a été utilisée pour la propagande du régime déchu :

المبادرة تونسية و السنة دوليّة

 (السّنة الدّوليّة للشباب)

ça m'a fait trop "marrée" ce rôle de leader qu'ils voulaient jouer

Mais aujourd'hui, je suis fière, la Tunisie a bien été leader :)

و لو كان ده حلم يا ريتو يطول

Surfing : sport populaire en Tunisie

كل يوم نسمع باضراب في مؤسّسة مالمؤسّسات العمومية ولاّ الخاصّة، ناس تحب تترسّم و ناس تحب شهاريها تزيد و ناس تحب تخرّج المدير و احنا ماشين

اليوم نلقى جماعة الدّيوانة مڨجڨجين قدّام الادارة متاعهم، واحد في الوسط شادد بوق و يخطب و واحد واقف بجنبو ينش في النّاس بش تصفّق و الغبينة الّي بالفعل يسمعو  الكلام و يصفقو

و كي العادة ديڨاج حاضرة و عليها شوية افاح 

 ديڨاج يا خمّاج المرّة هاذي

قدَام المنظر هذا حسّيت بالحق بألم و أسف كبيران

كان جا التّصفيق و الرّكمجة و الجري و راء المصالح الشّخصيّة رياضات مدرجة ضمن الالعاب الاولمپية راهي تونس خلصت ديونها بالميداليات

:'(

براكاج بين ضحك و لعب

:قطعي وقّف بوهاليّة نهارت سبت عشيّة

يا طفلة آقف نحكي معاك

(بففف ناقصني كان فرخ يكمل على مرمت هالنهار لرڨط لا يزي نهار كامل خدمة لا يزي مافطرتش اش يحب هاذا تو) 

  لا انا مانيش بش ناقف هيا انت امشي كان ظهرلك مزروبة ماعاش بكري

إي شبيك حاڨرتني و تحكي معايا بالصعيب آقف لحضة وامشي

استغفر الله! هاني وقفت تفضل

تعطيني تليفونك؟

لا

علاش لا؟ خليني نحكي معاك بالسياسة

خاطر مانحبش نعطيهولك

بالله؟!

والله!

واشبيك تعيط؟

مانيش نعيط اما راك بش تردني نعيط

شو ماللخر انا راني خليقة هوني و ماينجم يعرضلي حد و هاو نوريك عندي لام في يدي و كنت نجّم نتصرف معاك تصرف آخر

لوووووول صار انتي تحب على الاپاراي موش النومرو لوووول تي مو قول هكّا مالّول، تاخو اما تخليلي الپيس

اي نحي الپيس و هات فيسع

لوووول في بالي انا المزروبة، تي هو ماحبش يتحل!

سيب هنا تو نحلو انا

لا لا تو تهزو بالپيس

والله لا، ايا سيب فك

سارق و تحلف و تحبني نصدقك

(تنبز و شويا لاجبد عليا بيه الام)

شد

شد نحي الپيس 

تي كيفاش تخرج هاذي؟!!

فففف حتى هاذي وحلت فيها! سيب هنا!

لووووول والله واحد ينحيلي في تليفوني وانا نضحك قريب نقولو مرسي

مزاية؟؟؟

لوووووول لا خدمت عليه معايا

ايا كمل هات 10 لاف خليني نمشي

لووووول تاليفون و 10 لاف موش برشة؟

(قلب وجهو و تنرفز)

 فففف ايا هات عاد و بلا حس

تي هاك انتي تعيط، باهي تاخو 5 لاف؟

فففففففف ايا بش تمد و لاّ....

ووه شبيك تغششت هاك

عمناول لوقيت هاذا تليفوني تسرق! تقريب نعود نقرا حسابي نحط تليفون على شيرة على ما تواتي

:'(

عالاقل المرّة هاذي منعت الپيس

:p :p

نحمد في ربي الي مابدلتوش الجرد 

هاوكا عالاقل تعبتو عليه طرف هههه مشيت بيه مسافة موش خصيصة

:p :p

و ما خفي كان اعظم كان قالي هات الساك راني رصاتلي مستميتة عقاب عشية

لووووول و برّا ان شاء الله كل مايعطي ربّي باللّطف

Chimiothérapie

ما ناقصهم كان كعبة لاكريموجان و كرطوشتين عالفازة!

مضاهرات و ا عتصامات قدام لوزارات

شباب و شياب يحكيو في السّياسة في الشوارع

شيخ امام في الاذاعات

هذا لكل ولّى عادي بعد 14 جانفي 2011، نهار بش نحكي عليه لحفار قبري

نهارت الّي تونس تنفست الحرّيّة

استنشقنا الحرّيّة لين سكرنا، شعب كامل سكران

انا وحدة مالناس قعدت اكثر من جمعة شايخة في مخّي، أْن اكستاز كيما يقولو

ندور في الشارع ما فما حتّى پوستار لبن علي يا رسول الله! بح! لكلهم طاحو كيما طاح هو، طيّحو الشّعب موش قطعي آخر

الخلايق متاع الحومة ولاّو فتوّة و يعسّو على ارزاق النّاس، شي يدوّخ

هذا هو بيدو شعب الكورة و عندي منقلك؟

هوكة عاد كل واحد شيسمّيها، واحد ثورة الحرّيّة و واحد ثورة الياسمين و واحد انتفاضة و واحد احداث

و فيسع ولاّت خبزة ڨطو كل واحد يحب ياخو منها باي، كل واحد يجبد ليه و يقول بدات من عندي

و برشه لحّاسة قلبو لفيستة و ولاّو يسبّو و يلعنو في بن علي، جماعة مات الملك عاش الملك، أما المرّة هاذي صعيبة عليهم، المرّة هاذي الملك هو الشّعب

شعب أراد الحياة

و ظهرو برشة كاراكوزات كيما بن بريك الّي حبّ ينصّب روحو نبيّ الثّورة ههه دوّيو كان انت جعت نهارات فما ناس جاعت سنين و ناس ماتت 

و الكاراكوز الكبير العربي نصرة، دخل للحبس متهوم بالخيانة العظمى خرج حاسب روحو المهدي المنتظر! قالك انا سيد الكل، فيق يا شفيق!!! سيدنا ربّي وفى عهد الشّرك و ماعاش راجع

اما كي سمعت الّي فما ناس استغلت الوضع بش تسرق و تخرب، ناس لاباس بيها ناس زعمة مثقفة طامعة في ماكينة صابون ولا پلازما ولا في كيلو مقرونة

كي سمعت ناس بعد 3 ايام تتشكى من نقص الحليب و من غلاء اسوام الحوت في المرشي!! زح 23 سنا ماتشكاوش من نقص الاكسيجان

كي شفت الّي التلافز تعمل وحدها في تعتيم اعلامي

كي بداو يحكيو على مؤامرة و اجهاض الثورة و انقسامات وفوضى  و تدخل اجنبي و ريق 

تكبست، فقت...

الشهداء ماخلاّونّاش كان الحرّية، خلاّونّا معاها مسؤوليّة قدها ولاّ اكبر منها 

الشّعب عاش فيه ورم خبيث 23 سنة و  تفشّى في بدنو لكل، ورم ماسموش بن علي و لا ديكتاتوريّة، ورم اسمو الخوف 

في 14جانفي الشّعب التّونسي استأصلو اما موش كافي، باش الورم مايرجعش لازم يكمّل يعمل شيميو

في الاول شعرو باش يطيح، باش يتعب ويدوخ، باش يتوجع

بش تتعدّى عليه نهارات يتمنّى فيها الموت و نهارات يحسّ روحو هرقل

و في الاخر بش يبرى 

لذا ظاهرلي أهمّ مسؤوليّة هي الي الرجوع للخوف لا! لا من فلان شادّ الكرسي و لا مالمظاهرات الّي موش ناوية توفى و موش بش توفى و لا من مؤامرة أجنبيّة

لا على الاقتصاد مالثّورة و لا مالثّورة على الاقتصاد...بش نحصّلو لكل

اذا كان الشعب يقعد ديما شوكتو واقفة، ما يمّن حدّ، ديما عينو على حقّو، ديما مستقتل على حقّو ماياخذهولو حدّ

الثّورة ما نجحتش بطياح بن علي و لا حزبو و لا حكومتو، الثّورة تنجح كي نوصلو نعملو انتخابات حقّانيّة و نختارو موش رئيس أما ممثّل للشّعب و بعد 5 سنين نبدلوه

كي الانتخابات البلديّة و التّشريعيّة خاصّة تلقى اقبال و تغطية اعلاميّة أكثر مالانتخابات الرّئاسيّة 

اما من هنا لوقتها مش حتقدر تغمّض عينيك

يزّي يا سيادة الرّئيس

السلام على أحرار البلاد

بعد قرأة معمقة في خطاب بن علي و بعد تحليل عميق في الأخبار الواردة من أروقة الإتحاد الأروبي و الخبار الشحيحة الوارد من أطراف مهمة في تونس

نقولو ما يلي :

تأكدنا بأسالبنا الخاصة بنسبة % عالية أن هذا الخطاب ليس بمباشر و أنه سجل حوالي الساعة 14:00

 جاء هذا الخطاب بعد تهديد مباشر و صريح من أروبا و الولايات المتحدة بإجاد البديل إن لم تهدء الأوظاع الأمنية

3 عصيان العديد من كتائب الشرطة 

 إمتناع الجيش التونسي لإطلاق النار و المساهمة في عمليات التظليل وكتف بحراسة المؤسسات السيادية 

 الخطاب كان معظمه بالعامية للإقتراب أكثر لقلب التونسي 

فنحن كعينة من شباب تونس نمدكم برئينا إستمدناه من تحليل دقيق لسياسة بن علي منذ كان مدير أمن و يبقي رأي خاص الذي نودو مشاركتكم فيه و ليس الأخذ به :

1 بن علي إستوفى أوراقه الأمنية بعدما إستعمل فرقته المفظل في هذا الأسبوع و لم يبقا إلا أمر الجيش بإطلاق النار و إن قدر على ذلك لفعل لهذا إلتجأ إلي إستعمال ورقته السياسة الأخيرة وهي التملص من المسؤلية و رميها على من حوله و ظهور بالمسكين الذي ليس لهو دراية بما يجري و لعلمكم أن هناك قانون داخلي في وزارة الدفاع و وزارة الداخلية بمنع إستعمال الرصاص الحي إلا بعد أمر مباشر من بن علي نفسه 

نحن نأكد لكم إن خرج بن علي أول مرة بعد أحداث سيدي بوزيد و خاطب الشعب مثلما خاطبه اليوم لرجع الهدوء و لم نصل إلي قرابة 100 شهيد اليوم اليوم أراد تقليد بورقيبة في خطابه و لكن شتان بين اليوم و 17 ديسمبر 

إننا نحن فأة من شباب تونس وهذا رأينا الخاص و لا نجبر أحد الأخذ به لقد فقدنا الثقة في هذا الإنسان بن علي و نحن متأكدين أنهو ممثل و مسرحي باهر و أنه سيخلي بعهده ككل مرة وهو إنسان عديم الإنسانية والوعى 

و نودو من جميع السياسين الأحرار التحرك فورا و بدون إنتظار لإجاد حلول سريعة قبل سقوط الحكم بين أيادي أوروبية و أماركية فإنها وشيكة جدا لا نريد متحكما فينا لا نريد وصاية دولية و لا نترك أحدا يمر إلي السلطة على دماء الشهداء إلا من نخطاروه نحن الشعب فلا تخافو تونس تعج بالمهرات في كل المجالات

غابة و كلابها ذيابة

لا ماهيش شهيدة فلسطينيّة، هاذي شهيدة تونسيّة

لا موش من وقت فرانسا! من عام 2011!

ايش بي اسرائيل خير منّا؟ حتّى في تونس ولّاو المدنيّين العزّل يطيحو ضحايا الذّخائر الحيّة متاع قوّات الامن 

اييه! ماو هكّا احنا و لّينا نحافضو على أمن المواطن  بعد 23 سنة من التّحوّل المبارك

خميس علينا اطّورنا!

و موش واحد ولاّ اثنين بالعشرة في النهار

خاطر احنا كي نعملو حاجة نعملوها على اصولها

سامحوني! قلت ضحايا، هوما في الحقيقة ارهابيين خطيرين و ناوين على الخنن للبلاد و قوات البولس دافعو على نفسهم في نطاق الشرعيّة و الشّفافيّة

و بكلّ حزم 

والله شيء يبكّي دمّ

بكل صحة رقعة و قلة حياء وزارة الخارجيّة تصرّح بسقوط قتلى برصاص الشرطة 

و بكل صحة رقعة و قلة حياء يخرج الجنرال يقول ارهابيين 

عباد ولاّ كلاب شوارع يراو فينا 

ولاّ زعمة طريقة جديدة بش ينقصو في نسبة البطالة؟؟؟

لاش حياتي اذا كنت في بلادي مانسواش

السّبت الّي فات حبلي ربّي نكون في الصبيطار بش نرا بعيني واحد مالّي شدّوهم، ضاربينو للموت الكلاب

ما يعجبك في الزمان كان طولو، تو يجيهم نهار، و ظاهر فيه نهارهم قرب